澳門個唱正式開賣

香港流行樂隊Supper Moment成立於2006年，成員包括主音及結他手陳仕燊（Sunny）、低音結他手張祖光（CK）、結他手梁燿鵬（Martin）和鼓手陳鴻達（Hugh）。喺冇主流唱片公司支持同推廣下，Supper Moment成功建立咗一定嘅知名度同聽眾群。佢哋將會喺3月11日於澳門威尼斯人金光綜藝館舉行「溫柔革命」出道十周年演唱會。門票於今天上午10時公開發售，票價由澳門幣280元至880元不等。

Supper Moment將於今年3月，喺澳門舉行出道十周年演唱會。

Supper Moment出道至今，推出咗不少膾炙人口嘅歌曲，包括：〈最後晚餐〉、〈小夥子〉、〈無盡〉、〈幸福之歌〉及〈風箏〉等，深受歌迷歡迎。佢哋曾於2013年「叱吒」頒獎禮中榮獲「組合銀獎」，更喺2015年獲得「叱吒十大」、「組合金獎」及「我最喜愛組合獎」。去年5月，Supper Moment於Youtube發布新歌〈風箏〉，上載不足兩個月，即突破100萬點擊率嘅佳績，其後再為電影《點五步》獻唱主題曲〈沙燕之歌〉。

Supper Moment演唱會門票於今天正式公開發售。