人稱「鳳姐」嘅內地網上紅人羅玉鳳，因出位嘅言論及極度自戀而備受爭議。噚日，鳳姐將矛頭指向喺內地人氣爆燈嘅Angelababy，佢喺微博貼出幾張Baby早年為雜誌拍攝嘅寫真，並發文話：「剛看到了Angelababy的舊照，感覺我的自拍被放上去了，謝謝這世上還有跟我長得差不多的人，連去照相館的錢都省了。」出位嘅言論即時惹嚟網民熱烈討論。
Angelababy被內地「網紅」貼舊照抽水。
昔日寫真中嘅Baby眉目清秀、笑容燦爛，但有部分網民指出其嘴部同鳳姐相似度較高，並稱讚鳳姐：「自信的女人最美麗，喜歡你勝過Baby，因為你內心強大。」不過，亦有唔少Baby嘅粉絲不滿偶像被抽水，紛紛留言為Baby抱不平，更有人留言話：「這是Baby被黑的最慘的一次，人家只是箍牙了。要不你也整容，看能不能整成她這樣？」
有網民指Baby（左）嘴部，同羅玉鳳（右）相似度較高。
下載APP