有「天生歌姬」之稱嘅A-Lin，日前喺新加坡開唱，舉辦「聲吶回聲限定場」演唱會。喺彩排時，A-Lin靈機一觸，用facebook同微博做直播，透過手機鏡頭，同粉絲分享開唱前嘅心情。隨後，A-Lin 搭升降機開場演唱〈All In〉。由於A-Lin演出太精彩，令到好多觀看直播嘅粉絲以為係正式演出，引起了一場小誤會。
彩排時，A-Lin嘅直播影片吸引超過130萬名粉絲同時收看，有網民大讚佢演出完美零瑕疵，令唔少粉絲誤會係正式演出，擔心自己搞錯咗時間。事實上，A-Lin曾經講過想去世界各地唱歌畀粉絲聽，所以經常用直播同粉絲互動。至於今次新加坡演唱會，已經係佢第二次去當地開唱，現場坐滿5,000人，令A-Lin感動話：「我都很珍惜每次在臺上和大家一起唱歌的快樂！」
第二次去新加坡開唱嘅A-Lin話，好珍惜喺臺上唱歌嘅機會。
A-Lin直播彩排，令粉絲以為係正式演出。
下載APP