日前， 嚟自美國嘅FoxNetworks Group（Fox）正式宣布進軍亞洲市場，開拍由劉德華（華仔）旗下製作公司「Focus Television」負責製作、華仔擔任監製嘅《香港華爾街》（Trading Floor），同埋葉念琛執導嘅《心冤》兩部原創中文劇集。其中《香港華爾街》由黃國強（KK）執導及編劇，劇集目前仍在選角階段，將於今年年尾正式開拍。
噚日，有香港媒體致電KK詢問《香港華爾街》嘅演員人選，佢話：「現階段仍喺籌備當中，一切要等Fox公布。」早前，華仔於泰國拍攝廣告時墮馬受傷，目前正在休養中。問到華仔係咪會缺席前期籌備嘅工作？ KK話：「我一路有Keep住同劉生滙報嘅。」由於當年KK執導嘅《選戰》叫好叫座，佢好大可能會邀請該劇演員李心潔、王宗堯同廖啟智再度合作。
劉德華於泰國墮馬受傷後，日前終於出院回家休養。
廖啟智同李心潔當年合作嘅《選戰》叫好叫座。
下載APP