英國女星「妙麗」愛瑪屈臣（Emma Watson）最近忙於為新戲《美女與野獸》四出宣傳。不過人紅是非多，繼早前為雜誌《Vanity Fair》拍攝性感照被轟係「偽君子」後，愛瑪屈臣又被捲入荷里活嘅「艷照」事件。噚日，有傳佢電腦遭黑客入侵，多張性感及裸照被盜，更被上傳到網上。對此，愛瑪屈臣發表聲明否認有影過裸照，仲話會採取法律行動維護權益。
事實上，愛瑪屈臣並非首次成為黑客目標，早喺2015年，佢以聯合國女性大使身份發表平權演講後，就曾有黑客放話要散播佢嘅裸照，當時愛瑪屈臣話黑客所講嘅照片根本唔存在。而今次流出嘅照中，多張疑似愛瑪屈臣著住比堅尼嘅性感照，同一段見唔到樣嘅全裸浸浴片。網站Celeb Jihad將照片刊登，並將愛瑪屈臣同出浴女子作比照，認為片中女子胸下有墨、所帶嘅頸鏈及下巴都同愛瑪屈臣十分相似。
下載APP