內地湖南衛視歌唱比賽節目《歌手2017》將於本周六舉行總決賽，香港歌手杜麗莎同側田都先後被淘汰，天后林憶蓮則成功入圍，同林志炫、迪瑪希、獅子合唱團及李健等人爭冠軍。近日，張學友於2015年接受電台訪問嘅片段，忽然喺網上瘋傳，訪問中佢拒絕參加歌唱比賽節目，學友霸氣話：「我唔需要去比，何必要比？仲要去畀嗰啲評判講，啲評判都唔知識唔識唱歌嘅？」
張學友拒絕參加歌唱比賽節目嘅片段，遭網民翻炒。
《歌手2017》自開播以嚟，節目入面嘅所謂觀眾評判，一直被網名質疑造假。對此，張學友話唱歌太多計算唔好，佢話：「評判都係人，同我哋一樣，要喺好短時間評一首歌，佢都好複雜，有時聽得耐想瞓覺㖭！咁如果你突然間影響到佢，佢可能咁樣揀你都未定！」唔少網民支持張學友嘅言論，更有人留言表示：「一個看破遊戲規則並且霸氣拒絕的人，是歌手跟歌神的區別。」
林憶蓮成功殺入總決賽，同內地一班歌手爭冠軍。
張學友耳水不平衡見暈
張學友演出途中暈眩跣低
投行料澳門6月賭收達145億
以管弦樂及現代芭蕾伴靚聲
張學友澳門騷承諾陪歌迷到老
宣布加開四場再現搶飛潮
棋人娛樂再度引進張學友演唱會
推出養心殿數字主題體驗展
開幕舉行「 5KM 城市體驗跑」
意式宮殿酒店首度落戶亞洲
韋禮安下月上葡京舉行音樂會
「BOOM！怪物星人」唱到香港
下載APP