英國「萬人迷」碧咸(David Beckham)老婆Victoria十分威水,喺白金漢宮獲威廉王子(Prince William)頒發官佐勳章榮譽,表揚佢喺時裝界嘅貢獻。不過,英國王室呢個決定令唔少網民不滿,紛紛於王室嘅官方Twitter網站留言質問,有網民話英國有好多人值得表揚,例如救人命嘅醫生及護士,批評英國王室頒勳章畀Victoria係個笑話。不過,亦有人留言力撐Victoria,話佢多年嚟都有喺聯合國做善事,幫助兒童及婦女。
早前,碧咸嘅私人電郵外洩,有指佢做善事係為咗增加封爵機會。所以今次Victoria獲頒勳章時,冇公開同老公碧咸合照。而碧咸到達白金漢宮時亦顯得好鬼祟,疑似怕自己嘅醜聞影響老婆。