拍片力撑新戲首映

日前，劉德華（華仔）主演兼監製的新戲《拆彈專家》舉行首映禮。除了姜皓文、吳卓羲及蔡瀚億等一眾演員現身，華仔亦透過視頻支持新戲，片中他精神奕奕坐在輪椅向大家打招呼：「宣傳唔係你話想宣傳就得嘅，要上天批准㗎！今次個天就要我休息，希望我可以再精精神神咁見到大家。」

除了感激台前幕後工作人員，劉德華亦為片中好兄弟打氣。

除了感激台前幕後的工作人員，華仔亦為片中一班好兄弟打氣：「佢哋未來會代替我『用生命保護生命』，去到世界各地宣傳。」最後，華仔向導演承諾：「我會好快就跑跑跳跳，談談笑笑咁出現㗎喇。」對於華仔專門拍片支持，姜皓文感動表示：「好開心見到佢企得到起身，仲係咁靚仔，果然係『男神』！」

劉德華雖未能現身，但他特別拍短片支持新戲首映。

姜皓文力撑曾志偉

談及失落香港「金像獎」最佳男配角，姜皓文坦言沒有失望，自己的心水也是曾志偉。對於曾志偉表示一部電影頂他26部的言論，姜皓文表示：「同曾志偉識咗咁多年，佢一直都有鼓勵我，唔係傳聞所講咁樣。」他笑言希望將來有機會，和曾志偉合作一部叫《1比26》的電影。  

對於失落香港「金像獎」男配角，姜皓文坦言沒有失望。

吳卓羲自爆恨拍拖

同場的吳卓羲坦言單身太久好想拍拖，他笑言：「Dry咗好耐，仲要成個宅男咁，好少出街。就算有人想介紹女仔，我又忙到去唔到。」對於華仔早前企起身和大家打氣，吳卓羲表示：「華哥真係好好，永遠都係報喜不報憂，作為粉絲見到華哥咁有啲心痛，希望佢快啲好番。」