準媽媽Jessica C.接受有線娛樂新聞訪問，分享陀B心情。佢大爆老公安志杰係一個溺愛小朋友嘅人，相反Jessica C.比較隨意，所以唔會係怪獸家長。問到過農曆年去邊？佢就話：「香港嘅新年好特別，最鍾意同家人朋友一齊煮飯仔，整下湯圓，感覺好Warm！」佢仲話同老公上年已經派利是，加上氣氛熱鬧，所以好開心！
Jessica C.話同老公上年已經開始派利是。
踏入猴年，已經陀B嘅Jessica C.就被問到想生幾多個？佢笑笑口咁答：「暫時生一個先，希望將來有更多。」對於陀B要戒口，佢就話：「我好鍾意食生冷食物，好似海鮮，但而家朋友不斷叮囑我要戒口，搞到大閘蟹、雪糕都唔食得，好痛苦！」Jessica C.仲話自己嘅飲食習慣有好大改變，多咗食中菜同飲中湯，亦希望有一日可以學識煲湯畀老公飲。
Jessica C.希望將來可以生多幾個B！
下載APP