母親節日全食指南

媽咪每天煮飯那麼辛勞，只喺想一家人齊齊整整，坐低食餐溫暖晚飯。但喺母親節都要媽咪做「一家之煮」，難免唏噓，不如帶佢出去食餐好啦，等媽咪好好放下假，一家共聚美好時光。喺母親節前後日子，就有多間餐廳推出包括中菜、西餐同自助餐，一定有一款點中家中「皇太后」的心意。

「名廚都匯」準備滋陰養生靚湯， 作為兒女們， 當然要親手奉上以表心意。

母親節專屬體驗

母親節除了孝敬媽媽之外，亦係一家人共敘天倫的好時機。一大班人聚餐，又嫌點餸麻煩，不如直接去食自助餐吧。JW萬豪酒店「名廚都匯」自助餐，係母親節特備中式滋潤燉盅例湯，最啱為媽媽進補。若提早預訂，廚師們更會為母親特製名字朱古力牌，放在5月14日母親節晚餐的巨型蛋糕上，又可以即場為母親們舉辦切蛋糕儀式。若想帶媽媽飲下午茶吐心聲，文華東方酒店「御苑酒廊」的「夢幻午茶之約」就至啱喇，除咗逾十款精緻西式鹹甜美點之外，更有中式風情「黑豚肉小籠包」，一定要帶至親一起享受專屬假日時光。

「黑豚肉小籠包」造型搶眼，入口即化，湯汁濃郁。

info

「名廚都匯」自助餐

價格：MOP 388/位（5月13及14日午市）MOP 558/位（5月13日晚市）　

MOP 628/位（5月14日晚市）

「御苑酒廊」夢幻午茶之約

時間：15：00-18：00（5月13及14日）

價格：MOP 498/兩位

滋補靚湯報親恩

每日能人齊吃飯，係媽媽會覺得最開心嘅事，一於在周末約齊人陪佢開飯。澳門康萊德「朝」，喺母親節推出四人中式套餐。打頭陣有「猴頭菇花膠湯」，非常滋補養顏，可以慰勞媽媽一直以來嘅付出。至於主菜除了有「薑蔥汁白靈菇魚球」及「松子澳帶西蘭花」等菜式之外，重有豐富前菜同主食，當然幸福滿足。而麗思卡爾頓的「麗軒」，午市已有「燕液杏汁川貝母」美顏菜式，晚市「馨愛感恩母親節」套餐則全面升級，有齊矜貴的「燕液金腿星斑球」及養生的「鳳梨石竹翠玉環」，將滋補食材融入菜式當中，心意盡顯。

「燕液金腿星斑球」用細星斑件、官燕、露筍片、火腿絲等炮製而成，滋補養顏。

「朝」母親節特選套餐

日期： 5月14日價格： MOP 888/四位用

麗軒

日期： 5月13及14日

價格： MOP 588/位（母親節午宴）

MOP 1,688/位（馨愛感恩母親節）

四位用套餐份量十足，適合一家人過個豐足的母親節。