荷里活影星基斯柏特（Chris Pratt）主演嘅Marvel超級英雄電影《銀河守護隊2》，早前於各地率先上畫，票房叫好叫座。日前電影終於喺北美上映，開畫首三日收1.45億美元（約澳門幣11.6億），輕鬆成周末票房冠軍。大隻佬雲狄素（Vin Diesel）主演嘅《狂野時速8》，以853萬美元（約澳門幣6,800萬）排第二，動畫《波士BB》亦大收618萬美元（約澳門幣4,900萬），排在第三位。
《銀河守護隊2》於全球各地上畫，票房叫好叫座。
見到電影票房大收，導演詹姆士昆恩（James Gunn）喺Facebook發文多謝粉絲支持，並自爆曾有過自殺念頭，佢話係流行娛樂同Marvel漫畫拯救咗佢，頓時由住在乏味嘅郊區進入咗魔法世界。詹姆士勉勵其他同佢有一樣感覺嘅影迷，佢話：「《銀河守護隊》的主角本來不會相信任何人，不肯同他人連繫，不過他們慢慢學習，他們是我，他們是你，我們都是樹人。」
見到新戲票房大收，導演詹姆士昆恩發文多謝粉絲支持。
下載APP