現年37歲嘅台灣女星蕭亞軒（Elva），向來鍾意「姊弟戀」。於2014年同細12歲嘅柯震東斬纜後，Elva同新加玻富二代石正祥拍拖兩年，最後同樣以分手收場。隨後，Elva搭上細13歲嘅華裔高球選手陳樺，兩人於去月正式玩完。恢復單身後，Elva頻頻約好姊妹爬山。不過，日前佢被拍到同一名年輕眼鏡男，到精品傢俱店挑櫥櫃，唔通咁快又有新戀情？
同華裔高球選手分手後，蕭亞軒被爆搭上嫩男新歡。
據台灣媒體報道，當日Elva一身綠色上衣配黑短褲，配搭西裝外套現身精品店。三名店員為佢講解廚具結構，佢邊睇廚具邊同店員討論，年輕眼鏡男間中參與話題。消息曝光後，Elva經理人公司出面否認戀情，並表示：「年輕男子是Elva成立品牌Carry Me的設計師，當天兩人為Elva新家挑選廚具，Elva最近忙新專輯錄音，暫時將感情放一邊。」
自2014年同柯震東分手後，蕭亞軒一直緋聞不斷。
下載APP