現年27歲嘅美國樂壇小天后Taylor Swift，自出道以嚟一直緋聞不斷。去年9月，Taylor Swift同英國男星湯赫度斯頓（Tom Hiddleston）結束三個月戀情後，就一直「潛水」，鮮有出席公開活動。日前，Taylor Swift又再爆出新戀情，有傳佢今次搭上嘅係曾演出李安作品《比利．林恩的中場戰事》嘅26歲英國「小鮮肉」祖艾雲（Joe Alwyn）。
鑑於上段戀情太過高調，所以今次Taylor想將感情事低調處理。
據英國《太陽報》報道，Taylor同祖艾雲已發展「姐弟戀」數月，鑑於Taylor同湯赫度斯頓拍拖時太過高調，最終戀情三個月就玩完，所以今次Taylor想將感情事低調處理。報道話兩人對呢段感情都好認真，現時祖艾雲於英國和家人同住，Taylor為見男友，已於倫敦北部租住單位，平時搭私人飛機往返美國同英國。同男友外出拍拖時，Taylor Swift更會戴假髮變裝，為免被認出。
有傳Taylor Swift今次搭上曾演出過李安作品嘅祖艾雲。
下載APP