日前，陳栢宇到電臺宣傳新歌〈行屍走肉〉。談及將於7月和未婚妻符曉薇拉埋天窗，陳栢宇直言未有攞假籌備婚禮，他說：「以前工作不敢攞假，因收入唔穩定，驚放假期間有工作。之前同公司講就算放假有嘢做都可以搵我。」他笑指如果酬勞豐厚，就算身在外地都可以飛回香港，工作完再繼續放假。
陳栢宇到電臺宣傳新歌，直言未有攞假籌備婚禮。
陳栢宇坦言現在收入尚算不錯，會好好享受工作的福利，他說：「而家雖然唔係搵好多，但其他收入都唔錯。」早前，陳栢宇和未婚妻到英國影結婚相，順道為新歌拍宣傳照，他說：「本來去影婚照都唔想工作，但公司話影一張就得。雖然只去咗兩個景點，但車程好遠，幾乎長過影婚照嘅時間，之後想喺香港再影婚紗相，而家計劃中。」
陳栢宇和符曉薇將於7月正式拉埋天窗。
下載APP