恐襲後重開巡唱

美國小天后Ariana Grande去月於英國曼徹斯特舉行個唱，可惜期間發生炸彈恐襲，釀成22死、數十人受傷。慘劇發生後，Ariana重返曼徹斯特行「One Love Manchester」慈善演唱會，同一眾歌手為恐怖襲擊受害者家屬籌款。日前，Ariana於法國巴黎繼續舉行「DangerousWoman」世界巡迴演唱會，現場保安嚴密，入場時每名觀眾都要經過安檢及搜身先可以進場。

每名觀眾都要經過安檢及搜身，先可以進場。

有網民於現場拍到影片，粉絲排隊入場時一個跟一個接受搜身，由頭搜到落腳，十分嚴謹。喺開唱前，Ariana於Instagram貼出巴黎鐵塔相，悼念因恐襲離世嘅粉絲，佢話：「今晚是第一場回歸演唱會，每刻都想起我們的天使，我全心全意的愛著你們！為我的樂隊、舞蹈員與整個團隊感恩而且感到驕傲，我愛你。」而演出時，Ariana亦有唱出於慈善騷中演唱過嘅〈Somewhere Over The Rainbow〉。

完騷後，Ariana於Instagram發文答謝歌迷。