現年31歲嘅王君馨，去年同拍拖11年嘅圈外男友Daniel低調註冊結婚。日前，兩人喺美國一間教堂舉行婚禮，除咗雙方父母及美國親友，王君馨仲請咗「處女黨」成員鍾嘉欣、李亞男擔任伴娘，而好友裕美同衛蘭都專程飛去當地參加婚禮。而喺婚禮上，王君馨穿上一襲透視短裙婚紗，輕露事業線，高貴優雅；而一班姊妹則穿上不同款色嘅灰色晚裝裙，配襯銀色頸鏈，各具特色。
完成婚禮後，王君馨將於下月喺香港補擺喜酒。
王君馨一直希望低調舉行婚禮，所以保密功夫做得好足，圈中只有幾位好姊妺知情。完成婚禮後，一對新人將於下月11日，喺香港補擺喜酒，到時會廣邀圈中好友大肆慶祝。王君馨堅持於美國行禮，係因為佢同Daniel當年喺紐約一間Cafe相遇。王君馨曾於訪問中表示：「我當時喺Cafe做侍應， 第一次見到Daniel。佢後來有同我講，話其實當時好緊張，唔敢同我講嘢。」
王君馨同男友喺美國教堂低調舉行婚禮。
下載APP