今年31歲嘅王君馨，同圈外男友Daniel喺美國紐約舉行婚禮，好姊妹鍾嘉欣、李亞男、衛蘭同裕美等專登飛去當地見證喜悅。忙完婚禮後，王君馨興奮同大家報喜，佢話當日冇大妗姐，鍾嘉欣即自薦做大妗姐。而一班姊妹亦十分有心，特別作咗首Rap歌，即場唱出祝賀新人，王君馨話：「佢哋好Sweet，準備咗Sweet嘅詞畀我同我老公仔，我哋都好感動。」
王君馨喺美國完成婚禮後，將於下月11日喺香港補擺喜酒。
婚禮過程十分溫馨同感動，王君馨話好多嘉賓都感動到喊：「非常開心，一朝早起身，啲姊妹幫我著褂，都有斟茶畀我哋嘅父母，總之成件事非常開心同感動。」喺美國完成婚禮後，王君馨將於下月11日喺香港補擺喜酒。原來「11」呢個數字對王君馨別具意義，佢話：「我同老公相識11年11個月，我係章太喇。下個月11 日見喇，我好幸福！」
好姊妹鍾嘉欣、李亞男、衛蘭同裕美等專登飛去當地見證喜悅。
下載APP