台灣男星柯震東同大六歲嘅女星李毓芬， 於2014年傳出「姐弟戀」。雖然曾一度傳出分手，但去年9月兩人被指低調復合，更被拍到深夜撐枱腳，但雙方始終未公開回應戀情。日前，係柯震東26歲生日，除咗同家人一齊食飯慶祝，更被拍到帶女友李毓芬見家長。聚餐結束後，柯震東拎住禮物行喺前面，李毓芬著住短褲露出修長美腿，四人一齊前往柯震東爸爸開嘅酒吧繼續慶祝。
柯震東曾公開多謝李毓芬對佢不離不棄。
柯震東曾多次被拍到同李毓芬外出拍拖， 直至2014年爆發「吸毒事件」後，對方亦一直對佢不離不棄。近日，柯震東同好兄弟房祖名、台灣女星邵岱兒（Debbie）等一行人打邊爐提前慶生，當時Debbie被指係柯震東新歡，但隨後火速被否認。今次李毓芬高調同柯震東慶祝生日，似乎已經得到柯震東家人嘅認可。對此， 柯震東僅簡短回應：「謝謝」。
柯震東被拍到帶李毓芬同家人一齊慶祝生日。
下載APP