蔡卓妍（阿Sa）主演嘅新戲《原諒他77次》， 上映短短六日，已超過590萬票房，成為華語片冠軍， 單日票房就屈居亞軍，輸畀由湯告魯斯主演嘅《盜墓迷城》，成績認真唔錯。日前，阿Sa同衛詩雅前往戲院謝票，聽到新戲嘅好票房，佢興奮話：「好開心呀，嚟緊我哋會有慶功宴，其實壓力真係有啲大，第一次打電話畀老闆叫投資，唔衰得嘛，套戲唔蝕呢，已經好開心。」
蔡卓妍新戲上映六日錄得590萬票房，成為華語片冠軍。
講到有信心打破《雛妓》1,700萬票房紀錄？阿Sa話：「最好可以過千萬啦，暑假檔期好多西片上，通常都係西片天下，港產片有呢個成績已經好開心，有交代喇，又賣咗片去馬來西亞同內地。」問到有冇信心再問鼎影后？佢坦言：「呢套唔係《雛妓》嗰類戲，上映後都有睇網上評論，都幾兩極，女仔覺得有共鳴，但有啲人就覺得女主角好煩，乜都嘈一餐，我都覺得自己喺戲入面係反面教材。」
新戲取得好成績，蔡卓妍同衛詩雅前往戲院謝票。
阿Sa親證與富三代男友分手
網民不滿張孝全普通話冇配音
阿Sa主動約食飯以為遇騙案
容祖兒深宵高歌悼羅文忌辰
阿Sa讚劉青雲薑愈老愈辣
容祖兒被阿Sa搶吹蠟燭報仇
「瘦嬌」超索薛凱琪認唔出
張致恒IG被大量網友圍攻
《茶間》構建與眾交談場所
佛祖HAND UP潮揚佛法
18至19世紀歷史繪畫作品展
阿信突現身站台跳舞惹哄動
下載APP