韓國「男神」金秀賢主演嘅新戲《Real》，於萬眾期待下喺當地上映。日前，新戲率先舉行媒體試映會，金秀賢現身戲院發表感想時突然落淚，似乎壓力相當大。不過，電影評價好壞參半，有媒體直言：「耗資100億韓圜拍攝賭場廣告。」雖然新戲以金秀賢同女星Sulli嘅床戲為賣點，但觀眾卻甚少批評床戲，反而指責電影剪接出現極大問題，搞到唔知故事講乜，更有觀眾話：「這是金秀賢最差的一部作品」。
金秀賢主演嘅新戲正式開畫，評價好壞參半。
為咗今次新戲，金秀賢碌盡人情咭邀請圈中好友客串演出，當中包括「國民初戀」秀智、「國民妹妹」IU、女團Sistar前成員多順、Wonder Girls前成員昭熙、韓劇《三流之路》男星樸敘俊等。據知，秀智於片中飾演金秀賢嘅紋身師傅，但有觀眾話秀智僅亮相一秒，之後完全被剪走。至於飾演頒獎臺上助手嘅IU，亦因為全景拍攝睇唔清樣，令觀眾質疑邀請藝人客串只為做噱頭。
Sulli喺片中嘅全裸戲分反而冇被觀眾抨擊。
下載APP