日前，奧斯卡「金像獎」主辦單位美國影藝學院，宣布破紀錄新增多達774名新評委成員，呢批成員連同另外接近7,000人一齊投票選出各個獎項。唔知係咪因為一直被批評太多白人，今次影藝學院有意改善問題。774名收到邀請嘅評委來自57個國家，39%為女性，30%為有色人種，一共分為17類別，包括演員、導演、監製及攝影師等。
梁朝偉和劉嘉玲雙雙成為奧斯卡新增評委成員。
喺影藝學院公布嘅名單中，演員就佔咗105位，亞洲地區有甄子丹、姜文、梁朝偉、劉嘉玲、張曼玉、范冰冰、仲有日本演員菊地凜子同真田廣之。導演類別就有64位，包括香港導演杜琪峯、陳可辛、許鞍華及韓國導演金基德等，製作人施南生亦榜上有名。施南生話自己都係見到報道先知獲邀請：「冇通知㗎！宣布我先知。當時係有人提名，佢問我同唔同意。」而甄子丹就喺微博發文話：「我的榮幸！」
今年成功進軍荷里活的甄子丹亦榜上有名。
下載APP