李克勤個唱

搵巫啟賢蒙面出場
07/09/2017
62259
收藏
分享
搵巫啟賢蒙面出場
搵巫啟賢蒙面出場
搵巫啟賢蒙面出場
搵巫啟賢蒙面出場

《李克勤慶祝成立30週年演唱會》舉行到第三場,李克勤請來多年好友巫啟賢擔任嘉賓,巫啟賢扮蒙面歌手戴面具上台,不停搞笑,揚言香港歌手之中,只有四個人可以唱到80歲,包括李克勤、陳奕迅、張學友,以及他自己,而譚詠麟因為年年25歲,所以就一定冇份唱到80歲。

早前,李克勤於內地歌唱比賽節目《蒙面歌王》中奪魁,令歌唱事業走進另一個高峰;昨晚第三場演唱會,克勤邀得在比賽中有份做評審兼多年朋友的巫啟賢擔任表演嘉賓。巫啟賢戴著白色面具上台,克勤問:「你係邊個呀, 我都唔認得你?」巫啟賢以國語回答:「蒙面歌王!」說罷便脫下面具。

擔任嘉賓的巫啟賢戴著白色面具上台。

為《蒙面歌王》解畫

李克勤即時要求巫啟賢澄清,為何在《蒙面歌王》中會「唔認得李克勤」?巫啟賢抵死地說:「你化咗灰我都認得你啦!但咁難得見到你,有乜理由踢爆你?要你走?起碼比你唱多兩、三場, 賺多啲人仔先。」克勤笑道:「係呀!舊年屋企去旅行、交書簿費都係靠你。」

圈中捧場客有黃心穎,而她於後台與李克勤合照。

首次同台合唱

李克勤問巫啟賢幾時返香港唱歌,巫啟賢稱:「香港有個李克勤、仲何需巫啟賢?」 克勤即時反應:「嘩!我聽你歌大喎!我同你唔係同一個年代!我黑頭髮你白頭髮,你重話唔係大我好多?」巫啟賢就唔執輸還擊:「我係染白、你係染黑!」克勤又提到跟巫啟賢相識多年,同台合唱卻是首次,繼而二人合唱了〈心酸的情歌〉。

首次同台合唱的兩人唱出了〈心酸的情歌〉。

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報