成龍和前任「占士邦」皮雅斯布士南（Pierce Brosnan）主演的中美合資動作片《英倫對決》上映在即。日前，他和在內地音樂節目《中國有嘻哈》中爆紅的MC Jin一起出席宣傳活動。MC Jin表示能和成龍合作簡直夢想成真，成龍直言以前去荷里活拍戲，都是自己飛過去搵對方，現在風水輪流轉，輪到荷里活親自上門傾合作。
MC Jin為成龍主演的新戲度身訂造主題曲。
在接受訪問時，成龍表示對今次新戲相當重視，他說：「今次電影講嘅係一個好嚴肅又好悲情嘅故事，非常感人。」他強調新戲和以前的動作喜劇片非常不同：「一啲都唔似我以前嘅風格，我想畀大家知道，成龍唔單止可以演喜劇，都可以演各種唔同類型嘅電影，未來我仲有可能會親自執導一部文藝片，大家多啲期待。」
成龍稱風水輪流轉
成龍感謝影迷一直以來的支持，他表示：「感謝中國電影觀眾對我的喜愛，正是因為你們，才讓我受到了全世界的尊重。」成龍表示以前去荷里活拍戲時，美國一個電話過來，他就是從香港飛過去等對方見面，但現在風水輪流轉：「而家我唔使主動去搵荷里活，都係美國方面親自嚟香港搵我傾合作，因為有大家嘅支持，而家變成荷里活等住我見佢哋。」
成龍和皮雅斯布士南有不少精彩對手戲。
成龍在新戲中依舊演出大量動作場面。
新作品陸續有來
作為「奧斯卡終身成就獎」獲得者，成龍已經獲得了所有的榮譽，但他並沒有沾沾自喜，一直在強調：「當時得到奧斯卡獎嘅時候好開心，但返到酒店之後放低個獎，呢件事就過去了。好多謝大家嘅支持，嗰一頁已經過咗去。」他透露接下來有好多新作品和觀眾見面：「每一次嘗試都係好大冒險，但我唔怕。我唔知觀眾鍾唔鍾意，但我想讓大家見到唔一樣嘅成龍。」
對於獲頒「奧斯卡終身成就獎」，成龍強調已經成為過去。
成龍和MC Jin與一眾影迷合照留念。
獲度身訂造歌曲
最近在內地音樂節目《中國有嘻哈》爆紅的MC Jin，親自為電影創作主題曲〈零〉。談到創作主題曲初衷，MC Jin表示：「參加《中國有嘻哈》之前我已經做好耐Hip-Hop，但今次係我第一次用普通話唱Hip-Hop。睇咗電影後覺得成龍大哥嘅角色有從零開始嘅感覺，呢首歌係為佢度身訂造，好榮幸能夠將呢首歌送畀大家，送畀成龍大哥。」
對於有機會和成龍合作，MC Jin感到非常榮幸。
MC Jin夢想成真
對於這次有機會和成龍合作，MC Jin感到非常榮幸，他表示自己一直都是成龍的忠實影迷：「而家都好似發緊夢咁，我細個時最鍾意兩樣嘢，一樣係Hip-Hop，另一樣就係成龍嘅電影，今次合作可以話係將我最鍾意嘅兩樣嘢結合喺一齊，簡直係夢想成真。」成龍聽到則表示：「MC Jin真係我嘅超級粉絲，佢記得我每一部電影入面嘅好多對白。」
下載APP