近日，有傳杜汶澤同朋友合作開公司，準備開網台做Live節目，並急需招聘人手。早前，他就特別於社交網站，公開表示請了一名索女見習生，由於女生的照片多數為泳衣照，所以吸引不少網民留言兼讚好，更有網民拎杜汶澤於《低俗喜劇》的劇情嚟來玩笑：「唔好好似套戲入面咁同薛凱琪咁講嘢，記得唔好講『乸西』，因住被人告性騷擾！」
杜汶澤表示準備和朋友一起搞網台。
有網民搞笑留言，拎杜汶澤於《低俗喜劇》的劇情來開玩笑。
早前，杜汶澤於Facebook公開招聘人手。隨後，他貼出一名索女的性感照，並發文表示：「啱啱請咗人，佢嚟我公司做見習生，返12點收12點，你哋覺得佢個款，似唔似做得嘢呢？」網民紛紛表示對索女十分感興趣，更搞笑留言表示要和杜汶澤搶人。對此，杜汶澤表示：「佢都未返工，我又未同佢簽約，佢分分鐘一晚紅過小巨肺譚芷昀。」
杜汶澤公開請了一名索女見習生，惹來網民熱烈討論。
楊皓兒遭火速起底
隨後，杜汶澤招聘的索女火速遭網民起底。原來這名見習生叫做楊皓兒，因為是球隊曼聯的超級粉絲，所以英文名叫做Manchester。她的社交網站上有好多旅遊照片，而且大部分都係三點式同小背心，充滿夏天的陽光活力。其實楊浩兒做過模特兒同主持，曾於nowTV主持過《球分》，未知杜汶澤會不會讓他繼續擔任節目方面的主持。
這名叫做楊皓兒的見習生火速遭網民大起底。
楊皓兒的社交網站上有好多旅遊照片，充滿陽光活力。
楊皓兒做過模特兒，曾於nowTV 主持過《球分》。
面試員工唔睇看樣
對於為何在社交網站請人？杜汶澤表示因為他準備和朋友一起搞網台，所以需要大量人手，結果招聘廣告一出，即時收到了排山倒海的電郵，有男有女爭著應徵。問他面試員工是否專門看樣？杜汶澤否認：「老老竇竇，我睇佢中間，個人中間嘅嗰一顆心。出嚟社會做嘢，心胸必要廣闊，無論男男女女，咁樣對事業係好有影響。我自己都係好心胸廣闊嘅人。」
主打年輕人巿場
杜汶澤坦言網台會主打年輕人巿場，所以員工都要朝氣勃勃，他表示在辦公室將一視同仁，和員工沒有階級觀念：「將來我哋Office，老闆都冇房，同員工一齊坐，打成一片，我哋唔會有階級觀念，Size就分大細啫，搞創作嘅嘢，千祈唔可以咁，創作人要有嘢刺激靈感，畢竟工時長，要有嘢提神。」
杜汶澤坦言做網台主打年輕人巿場，和員工沒有階級觀念。
否認同毛記搶飯碗談及公司的業務，杜汶澤透露男同事多數要出去跑，女同事就留在公司，將會晚晚開live直播。對於網台會否和毛記電視搶飯碗？杜汶澤表示：「大家友好關係，仲會一齊玩Crossover，可以搞埋幾台聯播，互惠互利，之前有同毛記嘅林日曦傾過，佢都有興趣，唔明電視台點解成日要互相競爭，大家拎各自嘅長處出嚟，其實可以百花齊放。」
杜汶澤否認和毛記電視搶飯碗，更透露和林日曦傾過合作。
下載APP