王祖藍暗諷TVB製作流

王祖藍編劇及主演的新劇《老表，畢業喇！》開播，該劇和正在熱播的《使徒行者2》的製作規模相差十條街。近日，王祖藍拍攝宣傳片力谷新劇，片中他惡搞《使徒行者2》，扮苗僑偉介紹劇集，除了句句夭心夭肺自嘲，更暗寸TVB：「製作好流，觀眾睇到想一拳打爆部電視機。」

由王祖藍主演的TVB劇集《老表，你好嘢！》於2013年播出時大受歡迎，之後推出的續集《老表，你好hea！》同樣收視及口碑雙贏，劇中一眾主角的搞笑演出，至今仍令人津津樂道。相隔三年後，萬眾期待的第三輯《老表，畢業喇！》終於播出，身兼編劇、主角的王祖藍自然要落力宣傳，最近更為新劇拍片出鏡。

自爆新劇製作慳錢

在名為「豉塗行者篇」的製作特輯中，王祖藍化身《老表，你好嘢！》中的「蔡芯」，並以不鹹不淡的廣東話介紹新劇。講到TVB劇集向來製作認真，會到多地取景，他抵死表示新劇為了慳錢，只於本地將軍澳電視城搭廠景拍攝：「我哋都喺電視城同一般廠景一樣，搭咗幾十個不同設計嘅課室同房，咁流嘅課室同屋企，應該都真係除咗香港，仲有邊度會搵得到呢？真係《老表，畢業喇！》先有。」

據了解，《使徒行者2》有內地投資商贊助，製作費高達5,000萬，劇組專誠去到泰國及深圳實景拍攝，更有一場於深圳荒廢工廠取景的爆炸場面，連見慣大場面的苗僑偉都表示有壓力。而《老表，畢業喇！》則輸了十條街，主要在香港秀茂坪、大埔及將軍澳電視城搭廠景拍攝，王祖藍更自爆廠景做得好假，務求令觀眾睇到嬲豬，一拳打爆部電視機。

王祖藍扮苗僑偉拍攝惡搞宣傳片力谷新劇。

選角方面用人唯親

對於劇中演員，王祖藍自爆選角方面都是用人唯親：「除咗我之外，仲有蔡少芬、林盛斌、鄭欣宜、林欣彤、細細粒（陳嘉佳）同蔡瀚億，即係我啲親生仔同我啲朋友我先會用.！」對此，不少粉絲笑他吃了「誠實豆沙包」，誠實公開內幕消息，更有網民搞笑留言：「上兩輯嘅王菀之同萬綺雯今次冇份，唔通佢哋同王祖藍唔夠老友先被踢出局？」

對於劇中演員，王祖藍自爆選角方面都是用人唯親。

上兩輯的王菀之及萬綺雯，這次因檔期冇份演出。

否認唔畀面TVB

惡搞宣傳片出街後，王祖藍被指自立門戶，說話完全不給TVB面子。對此，王祖藍否認：「見到《使徒行者2》啲宣傳咁勁，好羨慕呀！咁惟有自己搞宣傳彌補心靈囉！」對於如何發力追收視？他表示：「冇辦法.喇！追唔到.喇，咁大嘅製作，我哋啲小本經營，佢就好似一間連鎖店咁，我哋就係家族生意，冇得追.！惟有用心意同暖意贏。」

王祖藍被指自立門戶，說話完全不給TVB面子。