日本天后濱崎步嚟澳門睇完麥當娜嘅演唱會後，前日搭直升機去到香港出席造型師兼好友吳吉倫（Alvin Goh）嘅生日派對。濱崎步喺30名保鏢護航下，同外籍老公Tyson一齊到場。由於派對以性感為主題，所以原本著住西裝外套嘅濱崎步，喺現場大方除下外套大騷半球，同Alvin大鬥性感。
濱崎步以性感造型出席造型師兼好友Alvin Goh嘅生日派對。
生日派對上，濱崎步同Alvin除咗一齊切蛋糕外，重親密互餵湯圓。講到有報道話Alvin係濱崎步男友，濱崎步否認話：「不是，他是我媽媽。」Alvin就話自己視濱崎步為女兒，會經常鬧佢同關心佢。問濱崎步如何慶祝元宵節，佢話：「不知道有元宵節，但會有Family Time和Family Dinner。」濱崎步嘅老公Tyson就揚言只想二人世界，佢話：「我都想有Family Time，只得我們兩個的。」
濱崎步同Alvin Goh除咗一齊切蛋糕，仲親密互餵湯圓。
下載APP