日前，「千億新抱」徐子淇穿著露膊長裙出席公開活動。佢透露農曆新年一家人去咗夏威夷旅行，帶小朋友到沙灘玩，重同海豚一齊遊水。雖然四個幾月大嘅細仔建熹第一次搭飛機，但就好乖全程喺飛機瞓覺。問家姐及哥哥有冇幫手照顧細佬，徐子淇話：「佢哋只有同細佬玩，但未識得照顧佢，有時搞喊咗就會還番畀我。」
徐子淇透露農曆新年一家人去咗夏威夷旅行。
問到湊建熹會唔會好辛苦？徐子淇話：「少少啦，但佢真係溶咗你嗰心，唔想出街，淨係想攬住佢。」問到咁錫建熹，老公李家誠會唔會呷醋，徐子淇即冧爆話：「有呀，我有次同老公一齊，我抱住BB，佢問我：『到我未？』咁我就畀BB佢啦，點知佢話：『唔係呀，係你理我未？』。」
徐子淇大爆老公李家誠因佢太錫細仔建熹而呷醋。
下載APP