宣萱今年回歸TVB拍劇，主演的《不懂撒嬌的女人》及《使徒行者2 》都大受好評，帶挈工作量亦大增。近日，宣萱抱恙出席公開活動，她笑言早前收到稅單很開心，希望工作愈來愈多，絕不介意多交稅。問到今年有否信心再奪視后？宣萱坦言順其自然：「好難講，我返嚟拍劇唔係為獎項，係鍾意個角色，有會開心，冇嘅都戥人開心。」
李佳芯封后被指未夠格，宣萱坦言對方年資尚淺，觀眾有此反應很正常。
在接受訪問時，宣萱坦言今年的荷包進帳比前幾年好好多，收稅單時嚇了一跳。在早前舉行的「星和無綫電視大獎2017 」頒獎禮上，宣萱獲得「我最愛TVB電視女角色」，不過當日因要拍廣告而缺席頒獎禮。提到李佳芯爆冷封后觀眾都接受不了，宣萱坦言對方年資尚淺，觀眾有此反應很正常：「獎項係鼓勵藝人繼續努力，1999 年我攞獎都提醒自己唔好有毛有翼，會再做好啲。」
宣萱笑言收到稅單很開心，希望工作愈來愈多。
拍劇目的唔為攞獎
宣萱今年主演的《不懂撒嬌的女人》及《使徒行者2 》都大受好評，飾演的「Mall姐」及「Scarlett 」都深得觀眾歡心，更有網友指她是大熱視后。對此，宣萱坦言拍劇目的不是為了拿獎：「頒獎嘅嘢好難講，好多時都未必係大熱門攞，同埋我返嚟TVB拍劇都唔係為攞獎而拍，真係劇本吸引到我，鍾意個角色，從來收視同獎項都唔係我控制範圍之內。」
宣萱主演的兩部劇集都大受好評，帶挈工作量亦大增。
經歷有助角色發揮
有傳今年TVB「萬千星輝頒獎禮」延至明年1月舉行，宣萱表示多幾套劇競爭更刺激：「呢兩年好多老一輩返嚟拍劇，自己都算係老一輩，好多人懷念嗰個年代，有唔同類型嘅演員，各有各長處先好玩，唔係一個人玩晒。」談及《使徒行者2 》中「Scarlett 」一角，宣萱表示既要揸槍又要殺人，以前公司絕對不會讓她演，女人是要有點經歷，才能演某些角色，現在再讓她演《尋秦記》也不行了，因為已經沒有那麼天真。
爆監製臨時加脅持戲
在《使徒行者2 》中，宣萱再度演人質，這是她自入行以來第26次飾演人質，究竟邊個如此大整蠱？對此，宣萱大爆監製臨時加脅持戲：「劇集係邊拍邊寫，當時有報道話我係『御用人質』，監製見到就話幾好笑，不如喺劇入面加一段你又做人質喇！我聽完覺得幾好笑，就話你鍾意喇。我喺呢方面都算係一個紀錄保持者。」
候選視后逐個數
1. 宣萱
宣萱於《不懂撒嬌的女人》飾演辦公室女魔頭「Mall姐」，演得入型入格，女強人本色令人望而生畏。劇中更騷事業線色誘林文龍玩「撒嬌」，令她人氣急升。
2. 鮑起靜
現年68歲的香港電影「金像獎」影后鮑起靜，在《同盟》中與江美儀互寸的七分鐘戲分，盡展神級演技，她更親身上陣拍攝多場動作戲，表現專業，大批網民激讚。
3. 黃翠如
黃翠如憑《使徒行者2 》臥底角色「阿梅」開始搶位，其表現連同劇的苗僑偉都公開點名大讚。頻頻被指快將與男友蕭正楠結婚的她，更犧牲婚期接劇增加曝光率，提高贏面。
4. 田蕊妮
田蕊妮在《迷》中因愛女被殺而情緒崩潰，及扮精神錯亂對墮樓的吳業坤見死不救的戲分，令劇迷大呼「唔睇會走寶」。此外，她於《超時空男臣》中則盡展搞笑本色，網民指她極具實力，是宣萱的最大對手。
5. 胡定欣
兩屆視后胡定欣在《同盟》中，奉旨與陳展鵬談情說愛，「肉搏」兼嬉水，又要手腳並用化身索爆打女，玩盡MMA及巴西柔術，被指有望成為視后三連霸。
6. 李佳芯
李佳芯近年獲TVB力捧，她在話題劇《踩過界》中飾演開放愛蒲法官，與張振朗和王浩信有連場床戲，同時被讚演技比之前大有進步。
7. 唐詩詠
唐詩詠於《不懂撒嬌的女人》與宣萱吵架的一場喊戲，及掌摑黎諾懿的演出，獲激讚演技大爆發，令人另眼相看。她表示曾到馬來西亞上法國戲劇大師Philippe Gaulier的短期課程。
下載APP