今年年初，天王劉德華（華仔）於泰國拍攝廣告時，不慎墜馬受重傷，休息大半年後，8月以健康姿態復工。近日，華仔出席聖誕亮燈儀式，他透露本月月尾將入紙申請香港紅館的明年聖誕檔期，他直言現在不能做高難度表演，所以會集中練歌，他笑言：「靠個樣搵食多年，終於要練歌藝。」
劉德華透露將入紙申請香港紅館的明年聖誕檔期。
今年年初，劉德華於泰國拍攝廣告時，不慎墜馬受重傷。
自墜馬受重傷後，劉德華將所有工作延後，專心休養。
休息大半年後，劉德華今年8月以健康姿態復工。
近日，華仔現身香港尖沙嘴出席聖誕亮燈儀式，這是他第四次為該活動擔任亮燈嘉賓，吸引大批市民和粉絲到場圍觀，場面墟冚。在活動上，華仔精神飽滿行廣場長樓梯登場，氣派十足。提到千禧年曾於同一地方騎馬出場，華仔笑言大會提議他再騎馬現身：「今次佢哋都想叫我騎馬，我即刻SayNo，如果再要我騎馬就唔嚟喇，不過今次行樓梯都好似騎馬咁。」
劉德華精神飽滿行廣場長樓梯登場，氣派十足。
粉絲聞開騷齊歡呼
在接受訪問時，華仔表示原本今年聖誕節是要開演唱會的，但因為有些驚喜（墮馬意外），所以騰出了時間，近期接了一些公開活動：「想畀大家睇到我完全康復。」談及聖誕願望，華仔直言會嘗試入紙申請明年聖誕香港紅館檔期，現場圍觀粉絲聽到即狂呼叫好。
華仔隨即笑言：「我都是講下咋，你哋又信，願望嚟.，不過都會試試，因為都需要一年時間，而家入紙都差唔多。」
聖誕節搞小型派對
華仔笑言大會要求他再騎馬出場只是說笑，但估不到當年自己真的是騎馬出場：「已經唔記得咗，可能跌一跌唔記得晒。」他透露聖誕節會留港度過，與家人在家中開小型派對，他又指因聖誕旺季機票又貴又多人，所以很少出外。問到是否怕機票貴？華仔笑言：「唔係搵到錢就亂用嘅， 公司都會有Party。」問到準備了甚麼聖誕禮物送給女兒？他直言沒這個習慣，而女兒每逢過節都會畫畫送給他。
劉德華表示每逢過節女兒都會畫畫送給他。
劉德華透露聖誕節會留港度過，與家人在家中開小型派對。
月尾入紙申請檔期
關於入紙申請明年紅館演唱會，華仔透露：「想試下，所有嘢未諗.！公司應該會喺月尾入紙申請。」談及期間會否先到內地開唱？他表示：「如果得嘅話，想喺香港開先。香港Show係自己公司搞嘅，啲期可以就下，但內地嗰啲真係債主，如果主辦方願意押後嘅話，會安排喺香港演唱會之後，但亦要視乎自己嘅情況，要睇檔期同埋準備成點。」
做能力範圍以內嘅事
問到再開演唱會是否跟以往一樣有不少高難度動作？華仔直言：「做能力範圍以內嘅事，唔知點解以前咁鍾意跳跳紮，但而家唔得喇。」華仔笑言今年可以慢慢研究歌藝：「靠樣搵食咗咁多年，而家要開始靠歌藝，仲有一年時間，應該可以開始學唱歌。
德華直言現在不能做高難度表演， 所以會集中練歌。
下載APP