現年57歲的惠英紅，斬獲台灣「金馬獎」影后殊榮後，近日返港出席經理人公司為其舉辦的慶功宴，現場獲老闆楊受成送上鑽石吊墜頸鏈，令她感動不已。雖然貴為「金馬獎」及「金像獎」雙料影后，但惠英紅坦言自己仍好恨攞獎，更自爆當初為演出《血觀音》不惜自降酬勞：「要自己畀自己機會，但如果你想要錢嘅話，呢個機會就冇畀到自己。」
惠英紅出席英皇娛樂為其舉辦的慶功宴。
雖然已獲獎無數，但惠英紅表示仍對獎項有所期待。
惠英紅獲楊受成送上鑽石吊墜頸鏈，令她感動不已。
惠英紅憑《幸運是我》及《血觀音》，先後於香港「金像獎」及台灣「金馬獎」中，贏得影后寶座。兩個截然不同的角色在她爐火純青的演技下，均獲得絕對性的認同。雖然已獲獎無數，但惠英紅表示仍對獎項有所期待：「雖然獎項喺屋企已經好齊全，但唔代表我唔想再攞。始終我覺得一個提名或者獎項係好大嘅鼓勵，我唔係貪心，我只係想要一個認可。」
惠英紅先後於香港「金像獎」及台灣「金馬獎」中，贏得影后寶座。
為角色降低片酬
在頒獎禮上， 惠英紅自爆用了「非凡手段」， 才得到《血觀音》「棠夫人」這個角色。問到個中緣由，惠英紅指自己並非導演心目中的第一人選：「我都係近幾日先知，原來我係好多人之後嘅選擇。但睇劇本時我覺得真係好好，唔係常見嘅題材，所以好努力去爭取呢個角色，降低咗片酬去遷就返製作費，同埋我當時已經有預感佢會幫我進入『金馬』。」
惠英紅自爆用了「非凡手段」， 才得到「棠夫人」這個角色。
一度患上憂鬱症
惠英紅在2000年到2005年有過低潮期，更一度患上憂鬱症，之後她訓練自己，更感激導演許鞍華來找她演文戲電影。她笑說：「我睇劇本幾準嘅，要自己畀自己機會，去演新導演嘅戲。」《血觀音》為惠英紅帶來影后之餘，同時亦留下深刻的回憶：「我從未試過有一套戲，由場記到攝影、燈光都咁有熱誠，我知道佢哋甚至未必攞足酬勞。佢哋亦幫咗我好多，喺台上唔記得多謝佢哋，真係要多謝返。」
惠英紅在2000年到2005年有過低潮期，更一度患上憂鬱症。
影片揭露社會問題
《血觀音》即將於下月在港澳地區上映，獲不少影迷引頸以待。惠英紅透露該片揭露好多社會問題，她表示：「雖然好多人會覺得《血觀音》好陰暗，但其實套戲揭發咗好多社會嘅不公平、人性嘅黑暗一面。我覺得我哋唔應該斬腳指避沙蟲，要正面面對。而當初劇本吸引我嘅就係睇到社會呢一面，而唔係粉飾太平，希望觀眾可以入場支持。」
惠英紅指《血觀音》雖然黑暗，但揭露了很多社會問題。
下載APP