鄧紫棋（G.E.M.）於2014年同台灣歌手林宥嘉結束四年情後，身邊護花使者不斷湧現，除咗一直傳出緋聞嘅馮允謙，早前仲被拍到同香港富二代Mark Ngai多次出遊。噚日，G.E.M.被內地媒體大爆同內地男歌手華晨宇拍拖，仲被拍到專門飛去北京為華晨宇慶祝生日。消息曝光後，即時引嚟雙方粉絲熱烈討論。
鄧紫棋被爆同內地男歌手華晨宇拍拖。
據內地媒體《全明星探》報道，鄧紫棋於上個月6號，即年廿八當日冇同屋企人團圓，反而拎住蛋糕現身北京機場，然後去到離機場唔遠嘅一個豪華公寓。隔咗一陣，華晨宇都喺公寓出現，原來當日係華晨宇嘅生日，G.E.M.去北京係為咗同佢慶祝，報道仲話G.E.M.只係逗留一晚就匆匆返港。其實喺今年年初，華晨宇就被網民拍到同一名神秘女子同遊深圳，後來證實該名女子就係G.E.M.。
華晨宇喺今年年初被網民拍到同鄧紫棋同遊深圳。
鄧紫棋成新場館首個演出歌手
譚詠麟約鍾鎮濤遊澳過節搵食
鄧紫棋跳槽被指「華納一姐」
鄧紫棋加盟華納新專輯大製作
鄧紫棋獲偶像周杰倫送大禮
澳門樂團《致敬拉赫曼尼諾夫》下周六上演
限定商品減價再九折
打造自然科學趣味派對
新濠影滙戶外水世界周末重開
澳門5月演唱會將破世界紀錄
下載APP