動畫大電影《功夫熊貓3》喺澳門金沙度假區舉行首映禮及紅地毯盛會，多位香港及澳門名人嘉賓出席，並吸引唔少觀眾聚集圍觀。名人嘉賓陣容鼎盛，當中包括：黃翠如、許廷鏗、吳業坤、小肥、林漢洋、譚嘉荃等等，而李霖恩、陳國邦及羅敏莊、姚瑩瑩，以及林盛斌更攜同其子女一同出席紅地毯盛會。來自澳門嘅名人嘉賓則包括：陳慧敏、羅凱瑩、古卓文、羅嘉豪及何嘉茵。
吳業坤、黃翠如、許廷鏗出席紅地毯盛會及澳門電影首映禮。
人見人愛嘅功夫熊貓回歸大銀幕，阿寶將喺今次歷險中與失散已久嘅父親團聚，而呢對父子將遠赴神秘熊貓村結識一班同類。電影除咗英文版外，澳門觀眾仲可以欣賞由陳奕迅及成龍等明星聲演嘅粵語版本，親切鬼馬嘅對話必定讓觀眾捧腹大笑。電影將於3月17日起於澳門各大電影院放映。
小肥與陳慧敏一起亮相紅地毯盛會。
下載APP