日前，吳千語以閃片銀色露膊裙出席公開活動， 心情似乎不俗。談到和男友林峯驚爆「分」訊，她沒有正面回應，但承認兩人已有兩個月沒見過面：「已經兩個幾月冇返香港，因為我一直喺橫店拍攝新劇，連家人都冇時間見，有時得一、兩日假期，但都情願休息，費事飛嚟飛去，好攰。」
談到和男友林峯驚爆「分」訊，吳千語沒有正面回應。
之前林峯在內地拍劇，吳千語有去探班，問到這次男友可有前往橫店探班？她坦言：「冇呀，各有各忙，未開劇前係拍網劇，得四分一時間在港。」談及林峯受訪時對兩人感情表現冷淡。吳千語表示：「大家都好忙，我知道大家都好關注，一陣話結婚，一陣話生B。（今次傳分手？）總之太多揣測，工作對我而言好重要，冇時間顧及其他事。」
林峯和吳千語拍拖多年，曾一度傳出婚訊。
問到現時和林峯的關係，吳千語尷尬表示：「少見。（仲係唔係男友？）少見，大家畀啲空間我哋！（大家努力挽回感情？）順其自然，好多嘢好難講。」吳千語否認被富商追求的傳聞，坦言去年幾乎所有節日都在工作中度過。雖然聲稱和林峯有聯繫，但被問到知否對方身處何地時，她表示：「唔喺香港，唔知佢喺邊度。」
早前，林峯受訪時談及和吳千語感情表現冷淡。
下載APP