梁朝偉（偉仔）主演的新戲《捉妖記2》，落實於今年農曆大年初一上映。日前，他以一頭鏟青新髮型現身鬧市，出席新戲宣傳活動，不單吸引大批市民圍觀拍照，藝人莊思敏、郭思琳及趙哲妤等後輩粉絲亦專程到場。偉仔在片中飾演電眼賭徒，問到有何發橫財秘笈？他笑言：「我新年都會同普通市民一樣打麻雀同玩啤牌，但不論輪贏我玩幾分鐘就走，呢個就係秘訣。」
梁朝偉主演的《捉妖記2》，落實於農曆大年初一上映。
繼2002年《天下無雙》後，偉仔這次相隔15年再演古裝喜劇。對於首度挑戰CG特效，偉仔表示是從影以來遭遇的最大挑戰：「戲入面同胡巴有大量對手戲，而佢嘅形象又需要後期製作合成，拍攝過程中大部分時間只能對著空氣演，無實物演出真係好頭疼。」他透露今次飾演一名十賭九輸的賭徒：「由人間到妖界都有債主，所以每次賭錢都會化不同嘅妝，否則就會被追債。」
梁朝偉在片中飾演一名十賭九輸的賭徒。
為了逃避賭債，梁朝偉在戲中的造型百變。
對於首度挑戰CG特效，梁朝偉表示是從影以來遭遇的最大挑戰。
鏟青方便打理
近年甚少到鬧市出席宣傳活動的偉仔，表示對上一次出席戶外舉行的活動，是為《無間道》作宣傳。問到日後可會多些於戶外露面？他笑說：「希望啦，平時冇嘢做都好少出嚟。」剪了一頭鏟青新髮型的偉仔，笑指全因方便打理及運動：「我鍾意滑水、滑雪，好怕中間停低食嘢要除帽，搞到頭髮扁晒，咁撞到啲人叫影相，影好定唔影好呢？好似瞓完覺咁款。」
甚少到鬧市出席宣傳活動的梁朝偉，為新戲作戶外宣傳。
留港過農曆新年
偉仔表示剛剛從北海道滑雪返港，太太劉嘉玲忙於工作，因此這次未有同行。他透露今年農曆新年會留港度過，之後和老婆一起再出發滑雪：「好耐冇喺香港過年，年年去咗滑雪，咁媽咪又去唔到雪地，驚佢跣親，所以今年就過完年先再去，我今次都只係滑咗少少咋！（情人節都喺香港？）應該都會，但就冇特別準備禮物，唔使喇呢啲。」
梁朝偉表示剛從北海道滑雪返港，農曆新年會留在家中度過。
梁朝偉透露過完農曆新年之後，會和劉嘉玲一起去滑雪。
為奧斯卡做評審
問偉仔可有留意劉嘉玲監製兼主演的新戲《以青春的名義》？他表示還未有時間捧場欣賞，皆因與老婆要參與奧斯卡「金像獎」頒獎禮做評審投票：「大會寄咗六、七十套戲畀我睇，有啲戲我又想喺大戲院睇，而家睇咗幾套，但我一日最多睇三套。（ 嘉玲睇晒啲戲未？）佢肯定未睇，咁忙。」
梁朝偉還未有時間欣賞老婆劉嘉玲監製兼主演的新戲。
力撐劉嘉玲新戲
對於今年賀歲檔電影將與劉嘉玲打對台，偉仔指印象中似是第一次：「我都好耐冇拍賀歲片，不過我都會去睇佢監製嗰套戲嘅。（嘉玲話男主角吳肇軒好似你！）似我冇用啦！不過我未見過，只知佢係新人，我主要係睇佢拍成點。」談及劉嘉玲另一套新戲將於情人節首映，偉仔笑言：「佢邀請我就去睇首映啦！」
梁朝偉主演的《捉妖記2》，落實於農曆大年初一上映。
下載APP