吳奇隆同劉詩詩喺峇里島完婚,吳奇隆仲開心到話婚後想生五個BB,確係高興!婚禮過後吳奇隆再舉行After Party,與一眾老友狂歡,但結果被一眾好友鬧新房兼隊酒。有份出席After Party嘅賓客就喺微博上載照片,見到枱面上放滿各式各樣嘅酒樽,而佟大為就喺吳奇隆身邊指手畫腳,至於吳奇隆塊臉就紅晒,睇嚟飲咗好多下喎!
枱面上放滿各式各樣嘅酒樽,吳奇隆就不斷「吹喇叭」!
除咗鬥酒之外,仲見到吳奇隆跪地向老婆劉詩詩送上兩盒禮物嘅相,令老婆露出幸福嘅笑容!但有好友就留言話:「很多照片和視頻不能放!」可能玩得太瘋狂,怕嚇親網民!對於吳奇隆婚後狂隊酒,有網民就話感到非常心痛,擔心會影響吳奇隆同老婆劉詩詩「洞房」呢個最重任務!如果真係想生五個,就要快手啲造人喇!
吳奇隆跪地向老婆劉詩詩送上兩盒禮物。