退休後只懂炫富

不敗拳王窮得只有錢?
23/03/2016
7089
收藏
分享

唔少體壇名人退休之後都會尋找新嘅人生道路,對於舊年收山嘅「不敗拳王」美韋達嚟講,退休生活除咗只有「食玩瞓」三個字之外,當然唔少得嘅就係「炫富」!飛機、跑車、鑽石同銀紙樣樣都晒,搞到網友個個勁「葡萄」!

或者美韋達人生的一大樂趣,就係「炫富」。(互聯網圖片)

美韋達眾多「玩具」之一。(互聯網圖片)

去年9月同「菲律賓拳王」帕奎奧打完世紀之戰後,美韋達拎住一大筆籌金收山去。唔再係拳手,美韋達樂得清閒,如何打發時間好?當然就係請一大班美女坐佢架私人飛機遊山玩水去!

講到呢架私人飛機就唔講得笑,美韋達豪擲3,000萬英鎊買返嚟,都唔知係一般打工仔幾多世人工。未知係咪驚人唔知架飛機係屬於佢嘅關係,美韋達更特別用上自己個名為架機命名,仲頻頻放相上社交網站同大家一齊開心Share。

私人飛機再配上一大棚靚女,美韋達退休生活真寫意。(互聯網圖片)

皮帶扣及手機殼也鑲鑽,很想要吧?(互聯網圖片)

錢未花光無意復出

除飛機之外,美韋達嘅名車同鑽石亦經常會喺其社交網站中「亮相」,閃耀程度令人為之側目!當然,最叫網友咬牙切齒都係佢老哥愛晒銀紙,閒閒哋都幾十疊100蚊美金擺出嚟!仲寸到搵銀紙當床鋪瞓上去,服未!

早排有消息話,美韋達可能會復出,佢亦承認曾獲得多個邀請;不過,佢都依然一一拒絕,原因係佢相當滿意家陣嘅無憂生活。拳迷要再次見到美韋達喺擂台上嘅風采?相信都要等到佢洗到乾塘至有機會咯!

收藏
分享

推薦新聞

找不到相關內容

實時天氣

溫度
28°C
濕度
91%
大致多雲。吹3至4級西南風。
天氣資料由地球物理暨氣象局提供
在澳門時間 2019-05-19 21:00 發佈

七日預報

5月20日 (一)
溫度 29°C
濕度 98%
大致多雲。間中有驟雨。有幾陣雷暴。吹2至4級西南風,後轉偏北風及有陣風。
5月21日 (二)
溫度 28°C
濕度 95%
大致多雲。初時有驟雨。吹3至4級東北風。
5月22日 (三)
溫度 29°C
濕度 90%
多雲,部份時間有陽光。吹2至4級東至東北風。
5月23日 (四)
溫度 29°C
濕度 95%
多雲,短暫時間有陽光。有一兩陣驟雨。吹2至4級偏東風。
5月24日 (五)
溫度 28°C
濕度 95%
大致多雲。有幾陣驟雨。吹3至4級東至東南風,間中5級。
5月25日 (六)
溫度 27°C
濕度 98%
多雲。間中有驟雨。吹3至4級東南風。