安志杰去年7月喺馬爾代夫向女友Jessica C.求婚成功，並公布Jessica C.已經懷孕三個月，獲得一眾網民祝福。噚日，正喺美國待產嘅Jessica C.於Instagram貼出一張大肚自拍照，佢就發文話：「我會懷念你在我肚裡面的日子，晚安，寶貝。」暗示BB已經出世！
安志杰同Jessica C.早前為B女舉行迎生Party。
其後，Jessica C.嘅經理人證實Jessica C.採用無痛分娩誕下約八磅重、19吋半高嘅B女Tessa。據了解，安志杰喺去月已經飛到美國陪Jessica C.，佢哋仲為B女舉行咗迎生Party。安志杰話喺醫院第一次抱住BB時感動到喊，佢話：「好感謝老婆為我生咗呢個愛情結晶，而家係我人生嘅新開始。有咗家庭，責任大咗，我會努力搵奶粉錢，做個有責任嘅爸爸同老公。」
Jessica C.暗示BB已經出世。
下載APP