拍拖近五年嘅楊怡同羅仲謙，佢哋於上周二喺英國秘密結婚。日前，兩人由英國返回香港時，被大批傳媒包圍。楊怡除咗大晒婚戒，仲透露會喺香港補擺喜酒。其後，楊怡喺微博貼出結婚相繼續放閃，佢話：「將踏入人生另一階段，謝謝你（羅仲謙）從此牽著我走，感謝大家對我們的祝福。」而羅仲謙亦第一時間甜蜜回應，佢話：「羅楊怡！謝謝你的愛。」
楊怡喺微博貼出同羅仲謙嘅結婚相，獲得一眾粉絲留言祝福。
楊怡喺微博公開喜訊後，唔少圈中好友都紛紛送上祝福。去月剛剛成為人妻嘅鍾嘉欣，見到好姊妹幸福出嫁當然開心，佢話：「等你的好消息一段時間了，真的替你們開心。還記得當年拍《溏心風暴》時，我們談過誰會先結婚？想要多少個小朋友？現在我們兩個都是人妻了。」至於陳法拉就喺微博貼出同楊怡嘅舊相，佢搞笑問：「你也嫁人了，我還有誰可以娶呢？」
楊怡同羅仲謙喺機場接受訪問，透露會喺香港補擺喜酒。
下載APP