台灣組合F4成員朱孝天，早前被爆同內地女星韓雯雯已經領證結婚。噚日，朱孝天喺內地出席活動時，承認已經提交咗結婚申請，仲趁機幫準老婆韓雯雯澄清同內地已婚男星李健傳嘅不倫戀，純粹係節目炒作。問到韓雯雯會唔會介意未求婚就先領證？朱孝天話：「我跟她說沒辦法，反正到時候我該補甚麼就補甚麼，不用擔心。」
朱孝天話F4成員各有各忙，四人聚首一堂嘅機會好微。
朱孝天話因為韓雯雯係大連人，所以打算婚宴喺大連擺三圍，佢話：「不喜歡鋪張浪費，先把程序走完，但尊重女方意願。」問到F4會唔會喺婚禮上合體演出？朱孝天直言不太可能，佢話：「我當然會請他們，但不見得大家有空來，吳建豪的婚禮我就沒去，那時候在泰國當和尚，我一個和尚去婚禮多奇怪。」
朱孝天承認已經同韓雯雯提交結婚申請。
下載APP