年僅24歲嘅內地新晉女星春夏，憑《踏血尋梅》首次入圍「金像獎」即以新人姿態打敗一眾前輩，爆冷奪得影后寶座。頒獎禮結束後，春夏喺微博發表得獎感言，佢話：「是《踏血尋梅》解決了我的經濟困難，開啟了我的人生道路，更讓我重新有了選擇生活的權利。謝謝香港電影，讓我有飯吃，讓我有夢做，讓我有戲可以拍。」
年僅24歲嘅春夏爆冷奪得香港「金像獎」影后寶座。
平面模特兒出身嘅春夏，喺2013年拍攝電視劇《我心燦爛》正式出道， 之後喺2014年演出首部電影《踏血尋梅》。雖然片中有大膽情慾戲，但春夏坦言演出完全冇負擔，佢話最大嘅挑戰反而係角色嘅內心戲。對於壓過林嘉欣爆冷封后，春夏就謙虛話：「每名演員都是值得尊重的，我堅信演員是不可以拿來隨意比較的。」
平面模特兒出身嘅春夏，喺2014年演出首部電影《踏血尋梅》。
下載APP