阿根廷輸波

美斯累杜汶澤輸身家
02/07/2018
64676
收藏
分享
美斯累杜汶澤輸身家
美斯累杜汶澤輸身家
美斯累杜汶澤輸身家
美斯累杜汶澤輸身家
美斯累杜汶澤輸身家
美斯累杜汶澤輸身家

今屆在俄羅斯舉行的世界盃正式進入16強淘汰賽階段,首兩場阿根廷對法國,及葡萄牙對烏拉圭已經戰況激烈,最終C朗及美斯都無法力挽頹勢,兩大「球王」齊齊出局。C朗及美斯固然難掩失望之情,忠實球迷亦相當傷心,杜汶澤這個過氣阿根廷球迷,更公開揚言玩到「輸身家」,他將自己個頭key在美斯身上,並淒涼大呻:「阿根廷輸波份糧點收科?」 (文:植筱詩)

自言是過氣阿根廷迷的杜汶澤玩到「輸身家」。

阿根廷對法國一役,賽前阿澤於facebook貼出一張12年前穿起阿根廷波衫的舊照,他發文表示:「你睇呢張2006年舊照,就知我支持邊隊啦!我記得當年做有線電視世界盃主持,响九展有個靚媽媽著住英格蘭球衣,拖住個四歲左右嘅細路女,佢好嬲咁同個女講:『認住呢個人呀!壞人嚟咖!』之後怒睥我一嘢先走。個細路女今年應該有16歲喇……」

杜汶澤貼出12年前的舊照,表明支持阿根廷球隊的決心。

成副身家買阿根廷

最終法國4:3令阿根廷飲恨出局,不單美斯捧盃無望,阿澤這個過氣阿根廷迷更大呻「輸身家」,他將自己個頭key在美斯身上,並題字「阿根廷輸波份糧點收科?」,他淒涼嘆謂:「作為80年代過氣嘅阿根廷迷,自從馬勒當拿退役之後已經放棄咗足球嘅杜生,今日飲大咗,將成副身家(即係今個月公司所有伙計嘅人工)買咗阿根廷贏。」

葉念琛小賭贏100

小賭怡情,玩到賭身家如此大件事,杜汶澤打趣謂:「本公司宣報(布)暫停出糧直到另行通知。」有網民留言,提醒他不出糧屬犯法行為,但之後見到他上載一張戴著名錶的托頭相表情苦惱,瞓醒又再去開懷大吃,輸身家應該只是講笑。運氣比他好的葉念琛則中了烏拉圭對葡萄牙2:1波膽,贏了100元港幣。

杜汶澤相中戴著的錶都值三幾萬,應該未到輸身家咁嚴重。

葉念琛中了烏拉圭對葡萄牙2:1波膽,贏100元港幣。

張繼聰大讚法國隊

美斯有叫座力, 張繼聰見到阿根廷輸波, 於Instagram發文大讚法國隊。但都不及游學修熱情,他親身飛到俄羅斯睇波,著住美斯的波衫現場見證球隊出局。要數「燈」力最強,當屬前日本AV女優蒼井空,賽前她表示要支持美斯及C朗,現在兩位球王都被她「燈」出局,不少網民都搞笑留言「多謝」她。

游學修親到俄羅斯觀戰。

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

推薦新聞

找不到相關內容

七日預報