黃子華嘲巨星收山必復出

黃子華一連26場棟篤笑《金盆?口》日前正式開鑼，由於是「子華神」最後一次開棟篤笑，吸引了大批藝人前來捧場，包括白雪仙、陳寶珠、劉嘉玲、李嘉欣、黃秋生、吳鎮宇、古巨基、蘇永康及鄭中基等都齊來朝聖，星光熠熠，全場爆滿。黃子華甫出場已全場歡呼，首場演出他已不禁哽咽拭淚，並壓軸唱出由自己填詞的歌寄意：「想喺太平盛世做個小明星」，令人感慨。 （文：植筱詩）

黃子華一連26場棟篤笑《金盆?口》正式開鑼。

黃子華吸引陳法蓉、吳鎮宇等一眾藝人前來捧場。

棟篤笑開場先播出黃子華歷年來的片段，其後他一上台即大搞氣氛說﹕「搞清楚今晚最重要兩句金句，就是『回水無得傾、除褲太高清』。」觀眾即大叫回水及除褲。隨後，現場播出《阿飛正傳》音樂，他指這部戲大陣容大製作，投資4,000千萬只收900萬，當時很多電影人很不喜歡王家衛：「因為佢蝕錢？唔係嘅，小弟拍咗部《一蚊雞保鏢》收咗五位數字，蝕大本都冇人爭我囉，起碼我知道，喺電影圈冇人爭我，係我爭自己啫。」

現場首先播出黃子華歷年來的片段，其後他一上台即大搞氣氛。

笑談北上搵人仔

黃子華又笑談北上搵人仔， 他說：「『搵人仔』講到我好似拐子佬……我同人講我嘅錢唔係內地搵，而係過關搵，我一路過關一路唱，一地兩唱！」及後又提到樓價等社會話題，令全場笑聲及掌聲不斷。去到尾聲，黃子華表示：「這個時候我真係好羨慕做歌星，巨星收山唱一首歌，當然巨星收山必然會復出。我唔係巨星，我只係有觀眾緣，但我而家只係想唱歌。」

除了笑談北上搵人仔，黃子華又嘲巨星收山必然會復出。

憑歌寄意令人慨嘆

隨後，黃子華清唱一首叫《幻海奇情》的粵曲，並以粵劇腔口唱出：「勞碌半生忙打拚，想在太平盛世，做個小明星，贏了有糖，時光荏苒。」期間，黃子華一度哽咽唱不下去，他拿起紙巾印了眼角一下，平復心情再唱：「人生在世，真的需要正能量，多少難關，難過講不清，我回首望住，回首望住你個紅館至醒悟，能夠與各位在那裡歡樂一笑，都算是幻海奇情。」唱完放下咪高峯便下台。

黃子華唱出由自己填詞的歌寄意，令人感慨。