打工仔Lunch break時間有限，想抽45分鐘游水或釣魚就未必得，但食個星級午餐亦唔係冇可能。文華東方酒店的「大堂酒廊」推出速食套餐「MO EXPRESS」，不但快、靚、正，價錢亦唔「離地」！
牛扒外焦脆內軟腍，配上香口鬆軟的麵包，完全是酒店級水準。（李嘉儀攝）
咪以為速食等於頹食，套餐包括的頭盤、主菜和甜品均由酒店的廚房團隊精心炮製，三選一的頭盤除有沙律，連湯品都有中、西式可選；主菜方面，首推「牛扒三文治」，下層是充滿橄欖油香氣的Homemade麵包，中間夾有番茄片、松露和蘑菇，表層的牛扒亦可自選生熟度。入口時肉汁、菌香和橄欖油等香味共冶一爐，層次感非常豐富！至於「馬來西亞椰漿飯」和「雞絲魚蛋湯米」亦在水準之上，前者配上炸雞翼和自製辣醬，香口惹味、送飯一流；後者則走清淡路線，配搭大大粒魚蛋和炸蒜等，簡單好味。
價錢：兩道菜MOP 138；三道菜MOP 158
椰漿飯必備的魚乾、雞蛋及花生等多種炸物齊全，拌勻自製的辣醬同食，十分惹味。
點選三道菜的套餐可到餅房任選一件蛋糕，特別推薦「朱古力榛子脆片蛋糕」。
下載APP