現年41歲的陳展鵬，不時都被譏諷「亞視味濃」，雖然他曾在亞視一段日子，但原來他是TVB藝訓班出身。陳展鵬逾20年的演藝生涯經歷不少波折，在外闖蕩一番後最終決定回歸TVB，他自爆當時人工由港幣40,000元跌至只有10,000多元，但希望給自己一個交代而決定回巢發展。最終，他於2016年憑劇集《城寨英雄》首度晉身視帝。（ 文：植筱詩）
陳展鵬逾20年的演藝生涯經歷不少波折。
陳展鵬和胡定欣因演出《城寨英雄》傳出緋聞。
陳展鵬當年回歸TVB，人工由四萬跌至一萬多元。
陳展鵬憑《城寨英雄》首度成為視帝。
陳展鵬日前接受香港媒體訪問，他指當年離開TVB後，在機緣巧合下去了寶麗金唱片公司發展，可惜當時的金融風暴令亞洲區陷入經濟低迷，陳展鵬感嘆當時捱得非常辛苦：「因為真係無機會，咁嗰陣時又係20幾歲，有機會嘅，係咪先？無諗住會輸.嘛。但實際證明話畀你聽，係無機會！就算你幾雄心壯志都好，你無機會就係無機會。」
陳展鵬視女友單文柔為結婚對象。
亞視變動大難以發展
陳展鵬指當時TVB曾經希望他回巢，他亦自言其實渴望「返娘家」，惟未能衝破心理關口：「你要明白到當一個人，你喺一間大公司，決定離開咗之後，而你無乜表現、無乜作為、你又翻返嚟，你覺得好似自己原地踏步。」所以當時他決定到亞視發展，但因為後來亞視變動非常大，令他最終還是決定回TVB。
畀自己一個交代
重返TVB時，其實陳展鵬已在娛樂圈中打滾了近十年，他坦言觀眾不是好認識自己：「好想同自己有個交代，已經唔係諗錢唔錢了，希望嚟到一個咁大嘅舞台，得唔得就要睇你自己，要學嘅都學咗咁耐，跟住先至有勇氣返TVB。」他強調，這個轉變令人工少了三分之二：「返嚟TVB由40,000蚊到得返萬幾蚊，咁都決定要試，即係一個交代，咁好好彩，自己嘅表現有好多監製都睇到，跟住機會一路一路咁多」。
鍾意角色亦正亦邪
陳展鵬在TVB拍攝了不同題材的電視劇集，但他覺得較能被觀眾接受的都是比較正面的角色：「其實我都好奇怪，因為我個樣，其實好多朋友講，或者我自己都覺得，我係啱一啲亦正亦邪，但唔知點解真係中嗰啲都係比較正氣啲、一啲Hero啲咁嘅嘢。」他認為這些角色不難拿揑，只要劇本及角色賦予到立體感就會做到：「好得意，有時候你自己鍾意做嘅嘢，或者你覺得係好有誠意做嘅嘢，未必係一定出嚟口碑係好嘅」。
回TVB後陳展鵬拍攝了很多不同題材的劇集，演技獲觀眾認同。
陳展鵬於《巨輪》中飾演喬天生一角，是個亦正亦邪的角色。
下載APP