日前，落選港姐工藤佑采遭監製何小慧大爆排舞態度差，兼且落選後拒絕伴舞。對此，工藤佑采在社交網站大呻一周要學四種舞為自己平反。師姐黃心穎被問到這件事時，她透露當年參選時更辛苦：「我覺得都是訓練的一種，如果承受不了，證明這個結果是對的，做人要對得住自己，如果事件屬實，對她徹底失望。」
工藤佑采和黃心穎隔空開火，網民反應兩極。
《2018香港小姐競選》決賽當晚，黃心穎亦有盛裝出席。
工藤預告有料爆
工藤佑采看到黃心穎對她的評價後，隨即貼文反擊，更指名道姓斥心穎曲解其意思，暗指可能會爆選舉內幕：「 都係講緊佢哋抹黑我，而不是說比賽辛苦，既然你哋要屈我，我都唔排除將來會講下比賽嘅事，你堂堂三甲香港小姐，連閱讀理解都唔識？真係叻豬！」
張敬軒模仿工藤佑采跳舞時的黑面舞姿。
早前，張敬軒和工藤佑采交換社交網站頭像，引來網民熱烈討論。
寸黃心穎博見報
工藤佑采更串爆指黃心穎博見報，護主心切。「你成功咗啦，成為咗第一個我會喺網上公開講嘅人。你嘅行為真係表現到你係幾咁美貌與智慧並重，其實你係咪好耐無見報？所以要出嚟話一下我？咁我好支持你繼續話，千祈唔好停，咁我哋就可以一齊見報，好多謝你咁留意我喎！」
工藤佑采寸爆指黃心穎博見報。（黎永樂攝）
心穎：唔想扯上關係
對於被工藤佑采開名喪鬧，黃心穎回覆表示：「冇乜好回應，Istand on my ground. 尊重個舞台、尊重自己。」她又指自己不需要靠工藤佑采見報，強調自己不想和對方扯上關係：「我其實唔係好想再繼續講落去，因為我唔係要同佢拗又或者開個罵戰，我係講出我嘅立場??，我覺得冇乜所謂，但我就唔想繼續周旋落去，亦都唔想再去回應。我都唔想同佢扯上關係。」
黃心穎強調不想和工藤佑采扯上關係。
下載APP