霆鋒係魔鬼教練

薛凱琪（Fiona）早前獲謝霆鋒邀請，現身內地真人節目《蜜蜂少女隊》與一班學員演出舞台劇。Fiona表示是首度與霆鋒合作，她說：「霆鋒有睇過我嘅作品，包括電影《閨蜜》，佢話想搵一個可以又唱又跳嘅嘉賓演出舞台劇，可能覺得我適合，所以搵我嚟幫手。」

薛凱琪獲謝霆鋒邀請，擔任內地真人節目《蜜蜂少女隊》表演嘉賓。

謝霆鋒在《蜜蜂少女隊》中，帶領一班學員大胆創新嘗試舞台劇，而Fiona的加入不僅為隊員加分不少，更以自身的精湛演技激發少女的演戲潛能。不過，Fiona卻大爆謝霆鋒是魔鬼教練，她說：「嗰日一落機就要去彩排，我見到霆鋒對班學員好嚴肅、好惡，所以我想盡量緩和氣氛。」

薛凱琪首度與謝霆鋒合作，更大爆對方是魔鬼教練。

因投入演出傷及雙膝

在舞台劇中，Fiona與反串扮男人的學員演情侶，還因太投入演出不慎傷及雙膝。Fiona說：「真係要同我個膝頭講對唔住，有一場戲講我趕住參加歌唱比賽，因為我男朋友就快死，佢好想我去唱呢首歌，點知我一跑就成個人跪低咗，觀眾以為係舞台劇設計，其實我真係仆低咗，但我要忍住痛，繼續演埋落去。」

薛凱琪在舞台劇中同反串扮男人的學員演情侶。

自爆澳門演出往事

與一班年輕隊員合作，令Fiona回想自己起初出道時，她說：「霆鋒嚴格都係想班學員好，我好好彩，從嚟冇畀人咁樣鬧過，因為我一向好緊張自己演出，如果唱錯歌詞跳錯舞步，我返入後台就會喊。以前冇助手，服裝都要自己包辦。記得有次喺澳門做騷，上台前先發現自己帶嘅兩隻鞋都係左腳，差啲笑死咗。」