（左起）彭浩翔、鄒凱光及攝影師Sunny一連兩晚的棟篤笑大放笑彈。
彭浩翔、鄒凱光（灘叔）及攝影師Sunny（劉翁）三位大叔主理嘅棟篤笑《翔揸劉灘之潮潮的吹》兩晚演出經已圓滿結束，不少藝人余文樂、謝安琪、林海峰、劉浩龍及莊思敏等好友撑場，觀眾反應理想，完騷後三人大呼過癮，他們直言自己表現值90分，相當滿意。對於觀眾反應熱烈，現場笑聲不絕，彭浩翔事後回應：「反應係好好，頭先有個女士著低胸衫一直烏低身笑，搞到我分心亂晒龍。」被問到為何不直接落台「抄牌」？他笑言：「我老婆在場，不可以，叫助手去做。」 （文：游子欣 圖：相關機構）
為搞氣氛嚇親老婆
談到他在棟篤笑時突然公開自己就快做爸爸，他補鑊指演出橋段純屬搞笑：「連我老婆都話唔知，當堂嚇一嚇，因為老婆未睇過我哋啲講稿。」他坦言沒有計劃做爸爸：「我有少少懷疑自己是不育，其實我不太鍾意小朋友，所以不會。」
唔想囝囝太辛苦
錫仔錫到燶的余文樂有去睇騷，被問到會否跟風拍攝親子節目，余文樂斷言拒絕：「唔係錢嘅問題，只係唔想小朋友出鏡，睇人哋就可以，好似睇陳小春同佢個仔就OK，之前工作聽林志穎講，拍親子節目好辛苦，個仔出鏡會好攰，又要請假。」
余文樂抗拒與囝囝拍攝親子節目。
下載APP