ViuTV節目《跟住矛盾去旅行》日前播出最新一集，講到「毛記電視」嘅「腦細」林日曦同香港立法會議員蔣麗芸去韓國首爾旅遊，但係兩人全程零交流，喺鏡頭前更加係面阻阻。就連喺酒店大堂相遇，林日曦都係透過工作人員同蔣麗芸講「早晨」。搞到蔣麗芸勁尷尬，佢超無奈咁講：「真係唔知應該點同啲後生仔溝通！」
經常黑臉嘅「腦細」林日曦，拒絕同蔣麗芸直接溝通。
節目播出後，林日曦喺Facebook自爆錄製節目時，同蔣麗芸喺成個旅程都冇講過一句說話，只係透過工作人員向對方傳話，佢話希望喺冇任何語氣影響嘅情況下，可以同蔣麗芸好好溝通。林日曦話：「蔣麗芸經常想單方面同我強行對話，但我即時拒絕，所以令到佢好憤怒，仲差啲搞到節目冇辦法繼續，真係辛苦晒啲工作人員。」
兩人喺節目中零交流，只係透過助手傳話。
下載APP