韓國男團EXO前中國籍成員黃子韜（Tao）日前喺南京舉行個唱，但佢當晚嘅演出就遭到內地音樂人梁歡質疑「假唱」。消息傳出後，Tao嘅工作室即時否認「假唱」呢個說法，並解釋：「Tao在演唱時運動量特別大，會有氣息音準瑕疵，所以跳舞時會將帶人聲的伴奏軌推大，不是假唱！」仲話為咗Tao嘅名譽，會保留法律追究嘅權利。
黃子韜喺南京舉行嘅個唱，被內地音樂人梁歡質疑「假唱」。
對於Tao工作室嘅解釋，梁歡就非常不滿，佢話Tao工作室刻意將「假唱」講成「開半咪」，佢仲話：「演唱會上放CD的行為本身就違反了營業性演出管理條例。請直接給我發律師函，我們去法庭聊這個問題。」雖然事件愈鬧愈大，但Tao就一於懶理，仲約咗一班好友慶祝23歲生日，完全冇被「假唱」風波影響心情。
黃子韜同一大班好友慶祝23歲生日，似乎心情冇受影響。
下載APP