蔡卓妍新戲全裸露背擘髀

《非分熟女》被視為蔡卓妍繼《雛妓》後，又一突破之作。

蔡卓妍獨白加上擘髀露背出浴場面，意識非常大膽。

由曾獲香港電影「金像獎」新晉導演獎的曾翠珊執導、蔡卓妍（阿Sa）及台灣演員吳慷仁主演的《非分熟女》，首條預告終於出爐。預告片長僅一分鐘，只有阿Sa的一段獨白，再加上性感露背沐浴場面，效果震撼。而導演對預告片的剪接亦大加讚賞，同時指出製作團隊花了不少力氣，才能把一個念頭變成一部電影。 （文：植筱詩　圖：相關機構）

電影《非分熟女》被視為阿Sa繼《雛妓》後，又一突破之作，首個預告甫曝光，隨即惹起話題，無論畫面及阿Sa的獨白，皆帶來莫大的想像空間。對於外界種種聲音，阿Sa坦言自己沒有想太多：「其實我無諗咁多，由一開始接拍呢套戲，我已經知道角色係點、需要演啲咩！」

直搗最底層禁區

作為專業演員，阿Sa直言接拍《非分熟女》之前，已清楚了解角色及故事，只要符合劇情需要，又能表達角色的內心掙扎，她欣然接受這場大膽出浴戲：「我既然接得這部戲，自然知道角色係點，主角小敏喺呢一方面有啲問題，但佢未至於性冷感，只係有啲呢方面嘅障礙。」阿Sa在預告片中背部全裸兼擘髀，可說是從影以來最大尺度的演出，她笑演：「前面黐晒嘢，好安全！不過，當日拍咗好幾個角度，效果都幾震撼！」

出浴戲別具用意

對於新戲預告片成為焦點，阿Sa聲稱觀眾只要了解整部戲的信息，就會明白這場戲的用意何在：「我睇過一啲歐洲電影，觀眾甚少會將焦點放喺類似場面，大家會認認真真去睇戲，而家觀眾嘅接受程度，相比以前已經提高咗好多，可能重會有部分人特別關注呢一點，我覺得無問題，角色要咁樣呈現，先可以表達內心嘅鬥爭。」